پاکستان کے اولمپک گولڈ میڈلسٹ جیولن تھرور ارشد ندیم اور یاسر سلطان نے ایشین ایتھلیٹکس چیمپئن شپ کے فائنل کیلئے کوالیفائی کرلیا۔

جنوبی کوریا میں ارشد ندیم پاکستان کیلئے ایک اور ٹائٹل جیتنے کیلئے پرعزم ہیں، ایشین ایتھلیٹکس کے جیولن تھرو کوالیفائنگ راؤنڈ کے گروپ اے میں ارشد ندیم نے پہلی باری میں 86.34 میٹر کی تھرو کے ساتھ فائنل میں جگہ بنائی۔

بھارتی کھلاڑی یش نے پہلی باری میں 76.67میٹر تھرو کی، دوسری جانب یاسر سلطان نے پہلی ہی باری میں 76.07 میٹر کی تھرو کر کے ایشین ایتھلیٹکس چیمپئن شپ کے فائنل کیلئے کوالیفائی کیا۔

 واضح رہے کہ پیرس اولمپکس میں ارشد نے 92.97 میٹر تھرو کر کے گولڈ میڈل جیتا تھا، ایشین ایتھلیٹکس چیمپئن شپ جیولین تھرو کا فائنل 31 مئی کو ہوگا۔

ارشد ندیم ایشین ایتھلیٹکس چیمپئن شپ کیلئے جنوبی کوریا روانہ ہوگئے