کراچی : عزیزآباد کے قریب بے قابو گاڑی نے کئی شہریوں کو ٹکر مار کر شدید زخمی کردیا، لوگوں نے ڈرائیور پکڑ کر اس کی دھنائی کردی۔
اے آر وائی نیوز کی رپورٹ کے مطابق کراچی کے علاقے عزیز آباد پر ٹریفک حادثات پیش آئے ہیں جس میں ایک ہی بے قابو گاڑی کی ٹکر سے کئی شہری زخمی ہوگئے اور متعدد گاڑیوں کو بھی نقصان پہنچا۔
رپورٹ کے مطابق سہراب گوٹھ سے عزیز آباد جاتے ہوئے اس گاڑی کے ڈرائیور نے تیز رفتاری کا مظاہرہ کرتے ہوئے مسلسل کئی گاڑیوں کو روندا اور فرار ہونے لگا۔
ڈرائیور فرار ہونے لگا تو شہریوں نے کچھ فاصلے پر حسین آباد کے قریب اسے پکڑلیا، اس موقع پر شہریوں نے ڈرائیور کو پکڑ کر تشدد کا نشانہ بنایا۔
پولیس نے موقع پر پہنچ کر ڈرائیور کو حراست میں لے لیا، حادثے میں کئی گاڑیوں کو نقصان پہنچا، متاثرہ افراد تھانے پہنچ گئے، حادثے کے باعث حسین آباد روڈ پر ٹریفک جام ہوگیا۔
