پاکستان شوبز کی سپر اسٹار ماہرہ خان نے اور ہمایوں سعید کی فلم ’لَوگُرو’ کا پشتو گانا ریلیز کردیا گیا۔
اے آ وائی فلمز کی پیشکش ’لو گرو‘ عید الاضحیٰ پر نمائش کے لیے پیش کی جائے گی جس میں ہمایوں سعید اور ماہرہ خان مرکزی کردار نبھا رہے ہیں، دیگر اداکاروں میں مومنہ اقبال، جاوید شیخ، احمد علی بٹ، مرینہ خان، مانی لیاقت، رمشا خان، وردا عزیز، عثمان پیزادہ، سہائے علی ابڑو، پولش اداکارہ نتالیا جینوزیک شامل ہیں۔
لو گرو کی ہدایت کاری کے فرائض ندیم بیگ نے انجام دیے ہیں اور اسے ہمایوں سعید نے ہی پروڈیوس کیا ہے، فلم مقامی اور دنیا بھر کے سنیما گھروں میں نمائش کیلئے پیش کی جائے گی جس کا مداحوں کو بےصبری سے انتظار ہے۔
فلم کا پروموشنل گانا ’آتینوں موج کراواں’ اور ٹائٹل سانگ ‘دل توڑن والیا‘ ریلیز کیا گیا تھا تاہم اب اس فلم کا ایک اور گانا پشتو زبان میں ریلیز کیا گیا ہے جو سوشل میڈیا پر خوب وائرل ہورہا ہے۔
رمانس اور جذبات سے بھرپور نیا پشتو گانا "سدا آشنا” ریلیز کر دیا گیا، جس میں ہمایوں سعید اور ماہرہ خان کے ساتھ احمد علی بٹ بھی نظر آرہے ہیں۔
ثقافتی رنگ لیے پشتو نغمہ دل چھو لینے والے بول اور دھن پر مبنی ہے، گانے کی عکس بندی خوبصورت مقامات پر کی گئی ہے، ریلیز کے بعد سوشل میڈیا پر گانا ٹرینڈ کرنے لگا۔
مداحوں نے گانے کو "روح کی زبان” قرار دیا ہے، فلم لوگرو پاکستان کی پہلی بڑی فلم ہے جس میں پشتو گانا بھی شامل کیا گیا جو پاکستانی سنیما میں خوبصورت اضافہ ہے۔
