حماس نے جنگ بندی سے متعلق تجویز پر امریکا کو جواب دے دیا، حماس کا کہنا ہے مجوزہ معاہدہ مستقل جنگ بندی کےلیے ہے۔
امریکی میڈیا کے مطابق قطر اور مصر کے ذریعے امریکا کو حماس کا تحریری جواب موصول ہوگیا ہے، امریکا کو جواب دیتے ہوئے حماس نے مطالبہ کیا کہ غزہ سے اسرائیلی فوج کا مکمل انخلا اور امداد کی فوری فراہمی ہونی چاہیے۔
حماس نے کہا کہ معاہدے کے تحت 10 اسرائیلی قیدی زندہ اور 18 لاشیں واپس کی جائیں گی، معاہدے کے تحت اسرائیل کی جانب سے فلسطینی قیدیوں کو رہا کیا جائےگا۔
غزہ میں جنگ بندی سے متعلق آج یا کل خبر دوں گا، ٹرمپ
جنگ بندی سے متعلق تجویز کے جواب میں حماس نے مزید کہا کہ معاہدے کے مطابق اسرائیل 1 ہزار 111 فلسطینیوں کو رہا کرےگا۔
امریکی میڈیا نے بتایا کہ حماس نے اصرار کیا ہے کہ مستقل جنگ بندی کی ضمانت دی جائے، مجوزہ جنگ بندی 60 روزہ ہوگی، پہلے دن سے مذاکرات کا آغاز ہوگا۔
جنگ بندی تجویز کے حوالے امریکی میڈیا نے مزید بتایا کہ غزہ میں امدادا قوام متحدہ اور ریڈ کریسنٹ کے ذریعے تقسیم کی جائےگی، صدر ٹرمپ نے مذاکرات کے تسلسل کی یقین دہانی کرائی ہے۔
