غزہ اور یوکرین پر فرانسیسی صدر ایمانوئل میکرون کے بیان ’’مغرب ساکھ کھو سکتا ہے‘‘ پر ایمنسٹی انٹرنیشنل نے طنز کیا ہے۔
ایمنسٹی انٹرنیشنل کی سیکریٹری جنرل ایگنس کالامارڈ نے غزہ کی صورت حال پر مغربی ممالک کو تنقید کا نشانہ بنایا، انھوں نے کہا کہ مغربی ممالک کی ساکھ صرف الفاظ سے بحال نہیں ہوگی۔
ایک ٹوئٹ میں ایگنس کالامارڈ نے لکھا ’’میکرون نے متنبہ کیا ہے کہ مغرب یوکرین اور غزہ جنگوں پر اپنی ساکھ کھو سکتا ہے۔ کیا واقعی؟ ساکھ تو 19 ماہ قبل کھو گئی تھی، جب اس نے غزہ میں اسرائیل کی نسل کشی پر اپنی پیچیدگی کے باعث کوئی عملی قدم نہیں اٹھایا، اب اس ساکھ کو بحال کرنے میں الفاظ سے کہیں زیادہ وقت لگے گا۔‘‘
Macron warns the West could lose credibility over Ukraine and Gaza wars… Seriously? Credibility was lost 19 months ago, the result of the West complicity or inaction to Israel’s genocide in Gaza. And it will take far more than words for it to be restored. https://t.co/NYyrv6OoEQ
— Agnes Callamard (@AgnesCallamard) May 31, 2025
غزہ کو اسرائیل کے رحم و کرم پر چھوڑ دیا تو مغرب ساکھ کھو دے گا، میکرون نے خبردار کر دیا
ایمنسٹی انٹرنیشنل کی سیکریٹری کا کہنا تھا کہ مغرب کی خاموشی اسرائیل کے مظالم میں شریک جرم بنی، انسانی حقوق کی رہنما نے اسرائیل پر ہتھیاروں کی ترسیل بند کرنے کا مطالبہ بھی کر دیا ہے۔
ایگنس کالامارڈ نے یورپی یونین سے اسرائیل سے تجارتی معاہدے واپس لینے کا بھی مطالبہ کیا ہے، انھوں نے کہا کہ عالمی عدالت کے وارنٹس پر عمل درآمد ضروری ہے۔
