کراچی: خیابان اتحاد میں نوجوان پر تشدد کرنے والے ملزم سلمان فاروقی کے گھر ہر چھاپہ مارکر پولیس نے گاڑی تحویل میں لےلی۔
اے آر وائی نیوز کے مطابق ڈیفنس کے علاقے میں بااثر شخص سلمان فاروقی کی جانب سے سرعام نوجوان پر تشدد کی ویڈیو وائرل ہوئی تھی، ملزم کی گرفتاری کے بعد تفتیشی پولیس نے ملزم کے ہمراہ اس کے گھر چھاپہ مارا ہے۔
تفتیشی پولیس کی زیرنگرانی ملزم ہتھکڑی لگاکر گاڑی چلاکر گزری تھانے پہنچا، ملزم کو گزری تھانے میں دوبارہ لاک اپ کردیا گیا۔
پولیس نے بتایا کہ ملزم کو فیز8 میں سڑک کنارے سے گرفتار کیا گیا، سلمان فاروقی کے گھر سے ڈرائیور سمیت مزید 2 افراد کو گرفتار کیا گیا۔
حکام کا کہنا ہے کہ مقدمے میں نامزد مزید ملزمان کو گرفتار کرنا ہے، سلمان فاروقی کی دوسری گاڑی بھی گزری تھانے منتقل کردی گئی۔
کراچی: ڈیفنس میں نوجوان کو تشدد کا نشانہ بنانے والا بااثر شخص سلمان فاروقی گرفتار
