جنوبی افریقہ کے مایہ ناز اور جارح مزاج بیٹر ہینرک کلاسن نے اچانک تمام فارمیٹ کی کرکٹ سے ریٹائرمنٹ کا اعلان کردیا۔
آج کے دن کو کرکٹ کی دنیا میں بڑے ناموں کے ریٹارمنٹ کا دن کہا جائے تو بےجا نہ ہوگا، آسٹریلوی بیٹر گلین میکس ویل کے بعد انٹرنیشل کرکٹ کے ایک اور بہترین بیٹر ہینرک کلاسن نے صرف 33 سال کی عمر میں ریٹائرمنٹ کا اعلان کرکے مداحوں کو حیران کردیا ہے۔
33 سالہ بیٹر نے آخری بار اس سال آئی سی سی چیمپئنزٹرافی کے سیمی فائنل میں نیوزی لینڈ کے خلاف پروٹیز کی نمائندگی کی تھی۔
Heinrich Klaasen's Instagram Post
– One of the most shocking retirements. pic.twitter.com/kOs9TnTnh0
— junaiz (@dhillow_) June 2, 2025
بعدازاں اپریل میں کرکٹ سائوتھ افریقہ نے کانٹریکٹ پلیئرز کی فہرست سے نکال دیا تھا ممکنہ طور پر یہ وجوہات ان کی ریٹائرمنٹ کا سبب ہوسکتی ہیں۔
ہینرک کلاسن نے جنوبی افریقہ کی جانب سے 60 ون ڈے انٹرنیشنل میں 43.64 کی اوسط سے 2141 رنز بنائے جس میں 4 سنچریاں اور 11 نصف سنچریاں بھی شامل ہیں۔
ٹی ٹوئنٹی فارمیٹ کے 58 میچز میں انھوں نے 23 کی اوسط سے 1000 رنز بنائے جس میں 5 نصف سنچریاں اسکور کیں جبکہ وہ جنوبی افریقہ کی جانب سے 4 ٹیسٹ میچز میں 104 رنز بناپائے۔
Klaasen ODI stats last 3 years
Innings : 28
Runs : 1345
Avg : 51.7
SR : 135
50s : 7
100s : 3Still no central contract from SAC and then Klaasen decide to retire too early pic.twitter.com/954sykaxNl
— Harsha (@HarshaTarak8) June 2, 2025
جارح مزاج بیٹر کی یوں اچانک ریٹائرمنٹ پر مداحوں نے شدید حیرانی کا اظہار کیا ہے، ایک صارف نے لکھا کہ اب ہینرک کلاسن ریٹائر ہوگئے یہ ہو کیا رہا ہے۔
ایک مداح نے تبصرہ کرتے ہوئے لکھا کہ جنوبی افریقہ کے پلیئرز اتنی جلدی کیوں ریٹائر ہوجاتے ہیں، دی ویلیئرز نے 34 سال کی عمر میں یہ قدم اٹھایا اور اب کلاسن بھی 33 سال کی عمر میں ریٹائر ہوگئے۔
ایک صارف نے لکھا کہ مجھے یقین نہیں آرہا کہ کونٹین ڈی کاک، راسی وین ڈر ڈوسن، ڈیوڈ ملر اور اب ہینرک کلاسن ریٹارمنٹ لے چکے ہیں، پروٹیز کی وائٹ بال ٹیم اب ختم ہوگئی۔
