قومی ٹیم کے ہیڈ کوچ مائیک ہیسن نے سابق کپتان بابر اعظم کو یقین دہانی کرائی ہے کہ پاکستانی ٹیم کے دروازے ان پر بند نہیں ہوئے ہیں۔
پاکستان کرکٹ بورڈ نے قومی کرکٹرز کے لیے لاہور میں ٹریننگ سیشن کا انعقاد کیا، اس دوران نئے کوچنگ اسٹاف سے بھی ملاقاتوں کا سلسلہ جاری ہے۔
میڈیا رپورٹس کے مطابق ہیڈ کوچ مائیک ہیسن نے قومی ٹیم کے سابق کپتان بابر اعظم کو یقین دلایا ہے کہ وہ بدستور ان کے پلانز کا حصہ ہیں، کسی بھی طرز میں ان پر قومی کرکٹ ٹیم کے دروازے بند نہیں ہوئے۔ جب ضرورت محسوس ہوئی تو ضرور موقع فراہم کیا جائے گا۔
اس سے قبل سابق آل راؤنڈر عماد وسیم نے قومی ٹیم کے نئے ہیڈکوچ مائیک ہیسن سے متعلق لب کشائی کی تھی۔
سابق آل راؤنڈر عماد وسیم نے مقامی اسپورٹس پلیٹ فارم کو دیے گئے انٹرویو میں کہا تھا کہ نئے ہیڈ کوچ مائیک ہیسن کی تقرری پاکستان کرکٹ کیلئے ایک مثبت قدم ثابت ہوگی۔
سابق کرکٹر کا کہنا تھا کہ بنگلادیش کیخلاف پاکستان نے 3 ٹی20 میچز کی سیریز کا اچھا آغاز کیا ہے، مجھے امید ہے قومی ٹیم جلد جیت کے ٹریک پر واپس آجائے گی۔
عماد نے کہا کہ لاپرواہی، حماقت اور بے خوفی میں فرق ہوتا ہے، مائیک ہیسن کھیل کو اچھی طرح سمجھتے ہیں اور دور حاضر کیساتھ ٹیم کو ڈھالنے کی کوشش کریں گے۔
بابر اعظم اور محمد رضوان ٹاپ ٹین ٹی 20 بیٹرز رینکنگ سے باہر
عماد نے کہا کہ مجھے اب بھی یقین ہے کہ اگر آپ انہیں 4 سے 6 ماہ یا پھر 3 سے 4 سیریز میں موقع دیں گے تو وہ بہترین کوچ ثابت ہوں گے۔ مائیک ہیسن کا سب سے بڑا چیلنج پاکستان کرکٹ کے اندرونی ڈرامے کو سنبھالنا ہوگا۔
