گھوٹکی : وڈیرےنےپسند کا گانا نہ سنانےپرفوک گلوکارکومارمارکرادھ موا کردیا۔
تفصیلات کے مطابق ڈہرکی کے نواحی گاؤں بیروٹا میں مقامی لوگ فنکار شعبان فقیرکو وڈیرے اشرف علی نےگاناسنانےاوطاق پربلایا۔
شعبان فقیراکتارا اورچپڑی اٹھائے۔ فوک گانےگنگناتاپہنچ گیا کہ وڈیرا خوش ہوکرانعام دےگا۔ لیکن نشےمیں دھت وڈیرےنےتواسےامتحان میں ڈال دیا۔
وڈیرے نے فوک گلوکارکونصرت فتح علی کی غزل فصلِ گل ہے بھرا ہے پیمانہ سنانے کی فرمائش کی، جس پر گلوکار نے کہا کہ سائیں مجھے یہ غزل یاد نہیں، آپ کچھ اورسن لو۔
جس پر وڈیرا آپے سے باہر ہوگیا، شعبان فقیر چیختا چلاتا رہا لیکن وڈیرے اشرف علی نے ایک نہ سنی۔ ڈنڈوں مکوں اورلاتوں سےمارمارکرلہولہان کردیا۔
سخت تشددسے شعبان فقیرکا بازو ٹوٹ گیا،بےدم ہوکرنیم بیہوش ہوا توباہر پھکوادیا گیا، ٹوٹی پھوٹی جھونپڑی میں پڑے شعبان فقیرکےپاس علاج کےلئےپھوٹی کوڑی بھی نہیں۔
اسےیہ امید بھی نہیں کہ انصاف ملے گا۔ کراہتے ہوئےیہی اپیل کررہا ہے کہ بس علاج ہوجائے۔
