روس نے ایران پر اسرائیلی حملے کی مذمت کرتے ہوئے اسے مشرق وسطیٰ کی سیکورٹی کے لیے خطرناک قرار دیا ہے۔
روسی وزارت خارجہ نے ردعمل میں کہا کہ مشرق وسطیٰ میں خطرناک کشیدگی پر گہری تشویش ہے اسرائیل کے ایران پر فضائی حملوں کی شدید مذمت کرتےہیں۔
انہوں نے کہا کہ اسرائیلی کارروائیاں اقوام متحدہ چارٹر اور عالمی قوانین کی خلاف ورزی ہیں اقوام متحدہ کے رکن خودمختار ملک پر حملہ ناقابل قبول ہے، ایرانی شہروں اورجوہری تنصیبات پر حملہ عالمی امن کےلیے خطرہ ہے۔
فرانس اسرائیل کے دفاع میں آگیا، ایران کے جوہری پروگرام کی مذمت
ترجمان نے کہا کہ اسرائیلی حملوں کا وقت خاص طور پر اشتعال انگیز ہے حملے عالمی توانائی ایجنسی (آئی اےای اے) اجلاس اور ایران امریکا مذاکرات سے قبل کیےگئے اس کا مطلب ہے اسرائیل نے کشیدگی کو بڑھانے کا شعوری فیصلہ کیا، جوہری تنصیبات پر حملوں کے ممکنہ تابکاری اثرات کا جائزہ لیا جائے۔
وزارت خارجہ کا کہنا تھا کہ مغربی ممالک کی ایران مخالف قراردادیں صورتحال کو بگاڑ رہی ہیں ایرانی جوہری معاملے کا حل فوجی نہیں، صرف سفارتی اور سیاسی ہو سکتا ہے فریقین سے مکمل ضبط اور جنگ سے اجتناب کی اپیل کرتے ہیں ایران اور امریکا میں مذاکرات کا نیا دور عمان میں متوقع ہے۔
