کراچی : پاکستان اسٹیل ملز کے 5 ہزار سے زائد ملازمین کی بحالی کا معاملہ رک گیا ، عدالت نے لیبر اپیلٹ ٹریبونل کا فیصلہ معطل کردیا۔
تفصیلات کے مطابق سندھ ہائیکورٹ نے پاکستان اسٹیل ملز کے 5ہزار سے زائد ملازمین سے متعلق لیبر اپیلٹ ٹریبونل کا فیصلہ معطل کردیا۔
جس کے بعد ملازمین کی بحالی پھر رک گئی، دالت نے ایڈووکیٹ جنرل سندھ اور دیگر کو نوٹس جاری کردیے۔
یاد رہے لیبر اپیلٹ ٹریبونل نے 29 اپریل کو ملازمین کی حیثیت بحال کردی تھی۔
مزید پڑھیں : پاکستان اسٹیل ملز سے متعلق حکومت کا اہم فیصلہ
یاد رہے رواں برس جنوری میں وفاقی اور سندھ حکومت کے درمیان پاکستان اسٹیل مل کی فاضل زمین پر انڈسٹریل پارک بنانے پر اتفاق کیا گیا تھا۔
واضح رہے کہ گزشتہ سال بورڈ آف ڈائریکٹرز نے اسٹیل مل بند کرنے کی مخالفت کر دی تھی جب کہ گزشتہ دنوں اسٹیل ملز کے ملازمین نے بھی اپنے مطالبات کی منظوری کے لیے احتجاج کرتے ہوئے بن قاسم ریلوے ٹریک بند کر دیا تھا۔
