واشنگٹن : امریکا نے اسٹوڈنٹس ویزا پر عائد پابندی اٹھالی تاہم طلبا کے لئے بڑی شرط عائد کردی۔
امریکی محکمہ خارجہ کی جانب سے بیان میں کہا کہ اسٹوڈنٹس ویزا پر عائد پابندی اٹھا لی گئی ہے، غیرملکی اسٹوڈنٹس ویزا کیلئے درخواست دے سکیں گے۔
ترجمان کا کہنا تھا کہ طلبا کو درخواست کے ساتھ ویزا حکام کو سوشل میڈیا اکاؤنٹس تک رسائی دینا لازمی ہے۔
امریکی محکمہ خارجہ نے دنیا بھر میں سفارتخانوں اور قونصل خانوں کو نئی ہدایات جاری کردی۔
جس میں کہا کہ اسٹوڈنٹ ویزا کے لیے معطل شدہ عمل کو دوبارہ شروع کیا جارہا ہے لیکن اب تمام درخواست دہندگان کو حکومتی نظرثانی کے لیے اپنے سوشل میڈیا اکاؤنٹس تک رسائی دینا ہوگی۔
امریکا نے گزشتہ ماہ غیرملکی اسٹوڈنٹس کو ویزا دینے پر پابندی عائد کردی تھی، فیصلے کا مقصد امیگریشن کنٹرول سخت کرنا اورداخلی پالیسیوں کوترجیح دینا ہے۔
