نئی دہلی : فیلڈ مارشل عاصم منیر کی امریکہ میں پذیرائی پر بھارت پر گھبراہٹ طاری ہے، بھارتی وزارت خارجہ کا ردعمل عالمی سطح پر بھارتی ساکھ بچانے کی ناکام کوشش ہے۔
تفصیلات کے مطابق فیلڈ مارشل سیدعاصم منیر کی امریکا میں پذیرائی پر بھارت کا گھبراہٹ پرمبنی ردعمل سامنے آگیا۔
بھارتی وزارت خارجہ کی جانب سے بیان دراصل عالمی سطح پر بھارتی ساکھ بچانے کی ناکام کوشش ہے، اس سے انداز ہوتا ہے کہ مودی حکومت بین القوامی سطح پراپنی ساکھ کھوچکی ہے۔
مزید پڑھیں : امریکی صدر اور فیلڈ مارشل کی اہم ملاقات کا اعلامیہ جاری
بیان میں آپریشن سندور کے دوران نپی تلی اورغیراشتعال انگیزکارروائی کے دعوے کیے گئے جبکہ آپریشن سندور کی ناکامی نے بھارتی دعوؤں کو جھوٹ ثابت کیا اور تصدیق عالمی برادری نے بھی کی۔
عالمی برادری اس حقیقت سے واقف ہے کہ بھارت نے پاکستان کیخلاف جارحیت کا آغاز کیا اور پاکستان نےاقوام متحدہ کے چارٹر کےمطابق دفاعی کارروائی کی۔
بھارت کی جانب سے پاکستانی افواج کو نقصان پہنچانے کے دعوے بھی حقائق کے منافی ہیں، پاک بھارت کشیدگی میں عالمی ذرائع نے پاک فضائیہ کی برتری کو تسلیم کیا اور پاک فضائیہ نے بھارتی طیارے مار گرائے۔
دنیا نے دیکھا بھارت کو فضائی محاذ پر منہ کی کھانا پڑی، مودی سرکار کی امن کی باتیں محض دکھاوا ہے جبکہ حقیقت میں بھارت ہمسایہ ممالک کےخلاف جارحانہ پالیسیوں کے لیے بدنام ہے۔
بھارتی وزارتِ خارجہ کا حالیہ بیان پاکستان اورامریکہ کے بہترتعلقات کوسبوتاژ کرنےکی ناکام کوشش ہے۔
