نوابشاہ کی 11 سال کی بچی 10 ماہ سے لاپتا ہے، اہلخانہ پولیس کی کارروائی سے مایوس ہوکر کراچی پہنچ گئے۔
نوابشاہ سے گزشتہ سال اگست میں مبینہ طور پر اغوا ہونے والی 11 سالہ صفانہ تاحال لاپتا ہے، اہلخانہ پولیس کی کارکردگی سے مایوس ہوکر کراچی پہنچے، آئی جی سندھ کے دفتر میں بھی درخواست جمع کروادی۔
والدین نے اے آر وائی کے دفتر پہنچ کر بھی دکھوں کی کہانی بیان کی۔
صفانہ کے والدین کا کہنا ہے کہ بیٹی کو مبینہ طور پر اغوا کیا گیا ہے، نوابشاہ پولیس سنجیدہ بنیادوں پر کوششیں نہیں کررہی۔
والدین کا کہنا ہے کہ دس ماہ سے بیٹی لاپتا ہے بچی کے لیے تڑپ کر رہ گئے ہیں۔
لڑکی کے والدین نے حکومت سندھ اور آجی سندھ سے بیٹی کو جلد از جلد بازیاب کروانے کی اپیل کی ہے۔
