ترک وزیرِ خارجہ ہاکان فیدان کا کہنا ہے کہ ایران پر حملہ کرکے اسرائیل شرقِ اوسط کو ”مکمل تباہی” کی طرف دھکیل رہا ہے۔
غیر ملکی ذرائع ابلاغ کے مطابق ترک وزیرِ خارجہ ہاکان فیدان کا استنبول میں اسلامی تعاون تنظیم کے سربراہی اجلاس سے خطاب کرتے ہوئے کہنا تھا کہ اسرائیل ہمارے ہمسایہ ایران پر حملہ کرکے اب خطے کو مکمل تباہی کے دہانے پر لے جا رہا ہے۔
اُنہوں نے کہا کہ کوئی فلسطینی، لبنانی، شامی، یمنی یا ایرانی مسئلہ نہیں ہے بلکہ واضح طور پر یہ اسرائیل کا مسئلہ ہے۔
اُن کا ایران کے خلاف ”لامحدود جارحیت” کے خاتمے کا مطالبہ کرتے ہوئے کہنا تھا کہ ہمیں عمل کرنا چاہیے تاکہ حالات بگڑ کر تشدد کے ایک سلسلے میں نہ بدل جائیں جس سے علاقائی اور عالمی سلامتی کو مزید خطرہ لاحق ہو۔
ترکیہ کے صدر رجب طیب اردوان کا بڑا بیان:
ترکیہ کے صدر رجب طیب اردوان نے اسلامی تعاون تنظیم کے یوتھ فورم سے خطاب کرتے ہوئے کہا کہ غزہ میں نسل کشی اورایران تنازع خطرناک موڑپرپہنچ چکا ہے۔
ترک صدر نے خبردار کیا اسرائیل اورایران کا تنازع تیزی سے ناقابل واپسی مقام کی طرف بڑھ رہا ہے، جنون جلد ختم ہونا چاہیے ورنہ نتائج کئی دہائیوں تک محسوس ہوں گے۔
ان کا مزید کہنا تھا کہ موجودہ صورتحال نہ صرف خطے بلکہ یورپ اورایشیا کو بھی متاثر کرسکتی ہے۔
اسرائیل پر ایرانی حملوں کے حوالے سے اردوان نے کہا کہ اسرائیل آج اسپتالوں پرحملے کی شکایت کررہا ہے جبکہ اسرائیل اب تک غزہ میں 700سے زائد طبی مراکز پر حملے کرچکا ہے۔
ایران اسرائیل کشیدگی سے متعلق تمام خبریں
ترک صدر نے اسلامی تعاون تنظیم کے یوتھ فورم سے خطاب میں سیزفائر کا مطالبہ دہرایا اور کہا فوری جنگ بندی ہی واحد حل ہے ورنہ آگ پورے خطے کو لپیٹ میں لے سکتی ہے۔
پیوٹن نے تیسری عالمی جنگ کا خدشہ ظاہر کردیا
نائب وزیراعظم اسحاق ڈار نے بھی گرینڈیوتھ ایوارڈکی تقریب میں شرکت کی اور ترکیہ کے صدر سے ملے، دونوں رہنماوں میں تہنیتی جملوں کا تبادلہ ہوا۔
