اسلام آباد : ایرانی سفیر رضا امیری مقدم نے کہا ہے کہ ایران کی فتح پر پاکستانی حکومت و عوام کے شکر گزار ہیں۔
سوشل میڈیا پلیٹ فارم ایکس پر جاری ایک پیغام میں ان کا کہنا ہے کہ ایران نے دشمن پر طاقتور اور منصفانہ جنگ بندی مسلط کی۔
انہوں نے کہا کہ پاکستان نے ایران کے ساتھ مثالی یکجہتی کا مظاہرہ کیا، فتح پر پاکستانی حکومت اور عوام کے شکر گزار ہیں۔
At this historic and momentous juncture, as the great nation of Iran celebrates a dignified and decisive victory—culminating in the imposition of a just and powerful ceasefire upon the belligerent adversary—I wish to extend my heartfelt appreciation to the government and people…
— Reza Amiri Moghadam (@IranAmbPak) June 25, 2025
رضاامیری مقدم کا کہنا تھا کہ پاکستانی میڈیا، دینی علما اور سیاسی جماعتوں نے بھی اصولی مؤقف اپنایا، وزارت خارجہ نے عالمی فورمز پر ایران کا بھرپور ساتھ دیا۔
پاکستان کے صدر، وزیراعظم اور آرمی چیف کا شکریہ ادا کرتے ہیں، اسحاق ڈار، خواجہ آصف، قومی اسمبلی و سینیٹ ارکان کے بھی مشکور ہیں۔
ایرانی سفیر نے کہا کہ اس موقع پر پاکستان نے اقوام متحدہ، او آئی سی اور سلامتی کونسل میں ایران کا بھرپور ساتھ دیا۔
رضاامیری مقدم نے کہا کہ ایران اور پاکستان نے ہمیشہ بھائی چارے، یکجہتی کی مثال قائم کی ہے، ایرانی قوم پاکستانی بھائیوں کی حمایت کو کبھی نہیں بھولے گی، ایران کی فتح امت مسلمہ کیلئے فخر، حوصلےاور سچ کی علامت ہے۔
