سیکیورٹی فورسز نے بلوچستان میں انٹیلی جنس بیسڈ آپریشن کیا جس میں دو بھارتی اسپانسر دہشتگرد ہلاک اور دو گرفتار کیے گئے۔
آئی ایس پی آر کے مطابق سیکیورٹی فورسز نے انٹیلی جنس بیسڈ یہ آپریشن صوبہ بلوچستان کے ضلع دکی میں کیا۔ فائرنگ کے تبادلے میں دو بھارتی اسپانسر دہشتگرد جہنم واصل کر دیے گئے جب کہ دو کو گرفتار کر لیا گیا۔
دہشتگردوں سے اسلحہ، گولہ بارود اور دھماکا خیز مواد بھی برآمد ہوا۔
آئی ایس پی آر کے مطابق علاقے میں ممکنہ دہشت گردوں کے خاتمے کیلیے کلیئرنس آپریشن کیا گیا۔ سیکیورٹی فورسز بھارتی حمایت یافتہ دہشت گردی کے خاتمےکیلیے پُر عزم ہیں۔
