کوہستان میں 40 ارب روپے کا مبینہ اسکینڈل پبلک اکاؤنٹس کمیٹی میں پہنچ گیا۔
چیئرمین کمیٹی جنید اکبر خان نے معاملہ پی اے سی میں اٹھا دیا۔ انہوں نے کہا کہ ہم آڈٹ کا کہتے ہیں تو آپ آڈٹ پر راضی نہیں ہوتے، اے جی کےپی پر الزام ہے آپ نے اس کو کس طرح اسلام آباد ٹرانسفر کیا۔
آڈٹ حکام نے بتایا کہ چیک بک کا مس یوز ہوا ہے کرپشن میں ملوث تمام ملازمین فنانس ڈیپارٹمنٹ کے ہیں، 3لوگوں کی چین تھی انہوں نے فراڈ کیا تینوں کو گرفتار کیا گیا ہے۔
آڈٹ حکام کے مطابق مبینہ اسکینڈل کی انکوائری نیب کر رہا ہے، 3بار فنانس ڈیپارٹمنٹ کو لکھ چکے کہ آپ کے بندے ہیں ایکشن لیں جنہوں نے چیک بُک کا مس یوز کیا انہوں نے ایک قدم بھی ڈسپلنری ایکشن نہیں لیا۔
کوہستان کرپشن اسکینڈل : ہیڈ کلرک کے گھر سے کروڑوں روپے کی کرنسی اور سونا برآمد
پبلک اکاؤنٹس کمیٹی نے معاملے سے متعلق مزید تفصیلات طلب کرلیں۔
وہستان کرپشن اسکینڈل کی تحقیقات میں اہم پیش رفت سامنے آئی، نیب نے ایبٹ آباد میں اسٹیڈیم روڈ پر چھاپہ مار کر سی این ڈبلیو کے ہیڈکلرک کے گھر سے نقدی، سونا، گاڑیاں ودیگر سامان برآمد کرلیا۔
مرکزی کردار ڈمپر ڈرائیور کی چیک بک بھی برآمد ہوئی ، نیب نے ہیڈ کلرک کو رشتے دارسمیت حراست میں لے لیا۔
اس حوالے سے مشتاق غنی نے کہا کہ دوہزار انیس سے چوبیس تک یہ سب سے بڑی کرپشن ہے سی اینڈ ڈبلیو،بینک سمیت دیگرمحکموں کےافسران ملوث ہوسکتے ہیں۔
