پاکستانی ہائی کمیشن کا کہنا ہے کہ برطانوی وزارت دفاع نے جدید ہوور کرافٹس پاک بحریہ کے حوالے کر دیے۔
ہوور کرافٹس کی حوالگی کی تقریب لندن میں منعقد ہوئی۔
پاکستانی ہائی کمیشن کے مطابق ہوورکرافٹس کی حوالگی پاکستانی سمندری دفاعی صلاحیت کیلئےاہم پیشرفت ہے، ہوور کرافٹس برطانیہ کی معروف کمپنی ’گرفن میرین سپورٹ‘نے تیار کئے ہیں، ہوور کرافٹس کی تیاری کیلئے فروری 2022 میں پاک برطانیہ معاہدہ طے پایا تھا۔
ہوور کرافٹس تیزرفتاری، آسان نقل وحرکت، مختلف مشن انجام دینے کی صلاحیت رکھتے ہیں۔ ہوورکرافٹس سےساحلی علاقوں میں فوری امدادی کاموں کی صلاحیت میں بھی اضافہ ہوگا۔
ہائی کمیشن نے کہا کہ ہوورکرافٹس سے پاکستان بحریہ کی کارکردگی اور رسائی مزید بہتر ہوگی، پاکستان برطانیہ کیساتھ دیرینہ ،مضبوط دفاعی تعلقات کواہمیت دیتا ہے۔
