اسمارٹ فون انسان کی زندگی کا لازمی حصہ بن گیا ہے لیکن اگر کبھی فون اچانک بند ہو جائے یا نیٹ مسئلہ کریں تو اس سے نمٹنے کا حل ماہرین نے بتا دیا۔
اسمارٹ فون دنیا بھر میں انسانی زندگی کا لازمی حصہ بن گیا ہے۔ فون اب صرف باہمی رابطوں کا ذریعہ ہی نہیں رہا بلکہ جدت نے اس کو اتنی ترقی دے دی ہے کہ اب روزمرہ کے امور بھی اس کے ذریعہ ہی نمٹائے جاتے ہیں۔ دفتری کام، کاروباری میٹنگز، بڑے معاہدے، تعلیم غرض کوئی ایسا شعبہ نہیں جس میں موبائل فون کا استعمال نہ ہو رہا ہو۔
تاہم اسمارٹ فون کے ساتھ کبھی یہ مسئلہ بھی ہو جاتا ہے کہ فون اچانک بند ہو گیا یا انٹرنیٹ سگنل منقطع ہو جاتے ہیں۔ اگر ایسا ہو جائے تو لوگوں کے معمولات زندگی گویا درہم برہم ہو جاتے ہیں۔
موبائل فون مسلسل استعمال سے بتدریج سست ہونے لگتا ہے۔ آپ کے اردگرد لوگ فون کو ری اسٹارٹ کا مشورہ دیتے ہیں، لیکن ہم سے بہت سے لوگ اسے ری اسٹارٹ کرنے کا سوچتے تک نہیں۔
تحقیقی رپورٹس کے مطابق لوگ اکثر فون بند کرنے کا خیال آتے ہی انزائٹی کا شکار ہو جاتے ہیں اور اسمارٹ فون کے 50 فیصد سے زیادہ صارفین کبھی بھی اپنی ڈیوائسز کا سوئچ آف نہیں کرتے۔
اس حوالے سے ڈیجیٹل ماہرین کی رائے ہے کہ اسمارٹ فون کا خیال رکھنے کے لیے اسے ری اسٹارٹ کرنا بہت ضروری ہے۔ اس سے فون کی کارکردگی میں ڈرامائی تبدیلی ااتی ہے۔
ماہرین کے مطابق ہفتے میں ایک بار کم از کم ایک منٹ کے لیے فون کو شٹ ڈاؤن کرنے کی عادت اپنائیں اور پھر اس کو کھولیں۔ ایسا کرنے سے آپ کے موبائل فون کی کارکردگی زیادہ بہتر ہوگی۔
اے آئی ماڈلز جھوٹ بولنے کے ساتھ بلیک میلنگ اور سازشیں بھی کرنے لگے!
