لاہور : بانی پی ٹی آئی کی 8 مقدمات میں رہائی کی درخواستیں مسترد کرنے کا تحریری فیصلہ سامنے آگیا۔
تفصیلات کے مطابق لاہور ہائی کورٹ نے بانی پی ٹی آئی کی 8 مقدمات میں رہائی کی درخواستیں مسترد کرنے کا تحریری فیصلہ جاری کردیا۔
لاہورہائیکورٹ کے دو رکنی بینچ نے9 مئی مقدمات کی تمام 8 درخواستیں خارج کردیں، فیصلے میں کہا گیا کہ ان کیسز میں مزید تحقیقات کی ضرورت ہے۔
تحریری فیصلے میں کہنا ہے کہ ٹرائل کورٹ نے پولی گرافک، فوٹو گرامیٹک ٹیسٹ اور وائس میچنگ کرانے کی اجازت دی لیکن بظاہر عمران خان نے انویسٹی گیشن پروسس میں تعاون نہیں کیا۔
مزید پڑھیں : 9 مئی کے مقدمات : بانی پی ٹی آئی کی درخواست ضمانت پر فیصلہ سنادیا گیا
تمام کیسوں میں مزید تفتیش کی ضرورت ہے، بانی پی ٹی آئی کی تمام درخواستیں مسترد کی جاتی ہیں۔
جسٹس شہبازعلی رضوی کی سربراہی میں دورکنی بینچ نے 7صفحات کا فیصلہ جاری کیا۔
خیال رہے بانی پی ٹی آئی عمران خان نے جناح ہاؤس حملہ سمیت دیگر مقدمات میں ضمانت کیلئے رجوع کیا تھا۔
