سعود عرب میں آج (3 جولائی 2025) کو سونے کی قیمت میں معمولی کمی دیکھ گئی ہے۔
ایف ایکس اسٹریٹ کی رپورٹ کے مطابق سعودی عرب میں سونے کی قیمتوں میں کمی ہوئی، بدھ کو 1 گرام گولڈ کی قیمت 404.86 ریال تھی جو 403.95 ریال ہوگئی۔
رپورٹ میں بتایا گیا کہ گزشتہ روز فی تولہ سونے کی قیمت 4722.19 ریال تھی جو کم ہو کر 4711.60 ریال ہوگئی۔ اسی طرح 10 گرام سونا 4039.65 ریال میں فروخت کیا جا رہا ہے۔
یہ بھی پڑھیں: سونا بیچنا اب بہت آسان
گزشتہ روز پاکستان میں کاروباری ہفتے کے تیسرے روز گولڈ کی قیمت میں کمی دیکھی گئی۔ آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونے کی قیمت 600 روپے کم ہو کر 3 لاکھ 56 ہزار 200 روپے رہی۔
اسی طرح 10 گرام سونا 514 روپے کمی کے بعد 3 لاکھ 5 ہزار 384 روپے کا ہوگیا ہے۔ عالمی مارکیٹ میں بھی سونے کی قیمت میں کمی کا رجحان رہا، سونا 6 ڈالر گھٹ کر فی اونس 3342 ڈالر رہا۔
سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔
جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں، پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
