کراچی: فائیو اسٹار چورنگی کے قریب ایک اہم سیاسی شخصیت کا شادی لان مسمار کردیا گیا۔
تفصیلات کے مطابق صوبائی وزیر بلدیات شرجیل انعام میمن کی سربراہی میں غیر قانونی شادی ہالز کیخلاف کارروائی کا سلسلہ تاحال جاری ہے۔
اس سلسلے میں بلدیہ عظمیٰ کراچی کے عملے نے کراچی میں حیدری کے پاس فائیو اسٹار چورنگی پر قائم فلورنس شادی لان کو مسمار کردیا۔
- Advertisement -
مذکورہ شادی لان متحدہ قومی موومنٹ کے رہنماء بابر غوری کی ملکیت ہے، بلدیہ عظمیٰ حکام کے مطابق شادی لان کا پلاٹ فلاحی کاموں کیلئے دیا گیا تھا جسے تجارتی مقاصد کیلئے استعمال کیا جا رہا تھا۔
