لاہور: انسداد دہشت گردی عدالت نے طالب علم زین قتل کیس میں گرفتارملزم مصطفی کانجو اور اس کے چار گارڈز کے جسمانی ریمانڈ میں چھ روز کی توسیع کر دی۔
پولیس نے مصطفی کانجو سمیت دیگر ملزمان کو سخت سیکیورٹی میں عدالت میں پیش کیا اور ابتدائی رپورٹ جمع کرائی ۔
پولیس نے عدالت کو بتایا کہ ملزم سے غیر قانونی کلاشنکوف برآمد ہوئی ہے جس کے متعلق شک ہے کہ اسی سے فائرنگ کر کے زین کو قتل کیا گیا ۔
زین کے وکلا نے دلائل دیئے کہ دو سیکیورٹی گارڈز کی ایک دوسرے پر فائرنگ کی زد میں آکر طالب علم زین قتل ہوا۔ اس سے مصطفی کانجو کا کوئی تعلق نہیں ۔
پولیس نے عدالت کو بتایا کہ تفتیش سی آئی اے کو منتقل کی جا چکی ہے لہٰذا اب مزید تفتیش کے لئے چودہ روزہ جسمانی ریمانڈ دیا جائے ۔
عدالت نے پولیس کی استدعا پر مصطفی کانجو سمیت دیگر ملزمان کے جسمانی ریمانڈ میں چھ روز کی توسیع کر دی ۔
