کراچی : سندھ اسمبلی کاپارہ آج بھی کافی ہائی رہا۔سینئر صوبائی وزیرتعلیم نثارکھوڑواورنصرت سحرعباسی آپس میں اُلجھ پڑے۔
تفصیلات کے مطابق سندھ اسمبلی کے اجلاس میں آج ایک بارپھرخوُب گرماگرمی ہوئی۔ نثارکھوڑواورنصرت سحرعباسی کے درمیان تلخ جملوں کاتبادلہ ہوا۔
اسمبلی اجلاس کے دوران وقفہ سوالات میں وزیرایکسائز اینڈٹیکسیشن گیان چند کی عدم موجودگی پرجب پارلیمانی سیکرٹری ناصرشاہ جواب دینے کے لئے کھڑے ہوئے تونصرت سحرعباسی نے نقطہ اعتراض جڑدیا۔
جس پرسینئروزیرنثارکھوڑو کے صبرکادامن لبریز ہوگیا اوروزیر تعلیم نصرت عباسی کواسمبلی قوانین سمجھانے اُٹھ کھڑے ہوئے۔
نصرت عباسی نے نثارکھوڑو کی کسی بھی بات کوماننے سے انکارکردیااوروزیرکی دوسال سے عدم موجودگی پرناراض ہونے لگیں۔ ارکان کی تلخ کلامی پرایوان کاماحول کشیدہ ہوگیا۔
