لاہور : وزیرا علیٰ پنجاب شہباز شریف نےکہا ہےکہ دنیاکےکسی ملک نے ایک دن میں کسی ملک کیلئےاتنی بڑی سرمایہ کاری نہیں کی۔ جتنی چین نے پاکستان میں کی ہے۔
یہ بات انہوں نے وزیر اعلیٰ ہاؤس میں پریس کانفرنس سے خطاب کرتے ہوئے کہی، انہوں نے کہا کہ ترقیاتی پروگرام میں پنجاب کیلئے ساڑھے چار ارب جبکہ سندھ کیلئےنو ارب ڈالر کےمنصوبےہیں۔
ایوان وزیراعلیٰ میں صحافیوں سے گفتگو کرتے ہوئے شہباز شریف نے کہاکہ پاکستان کو ایشیئن ٹائیگر بنانا وزیراعظم نواز شریف کا خواب رہا ہے۔چینی سرمایہ کاری پر بھارت کو واویلا نہیں کرناچاہیئے۔
انہوں نے کہا کہ ہمیں فیصلہ کرنا ہو گا کہ ہم چین کے دوست بننا چاہتے ہیں یا بھارت کابغل بچہ، شہباز شریف نے کہا کہ بیس اپریل کادن پاکستان کیلئےتاریخی اہمیت کاحامل ہے۔
ان کا کہنا تھا کہ قوموں کی زندگیوں میں ایسے دن بہت کم آتے ہیں،چینی سرمایہ کاری پروزیراعظم مبارکباد کےمستحق ہیں۔
شہبازشریف نے کہا کہ اب ہماری ذمہ داری ہےان منصوبوں کوتکمیل تک پہنچائیں،اربوں ڈالرکی چینی سرمایہ کاری پاکستانی قیادت پراعتماد کا اظہارہےجو پاکستان کی تقدیر بدل دے گی۔
