اسلام آباد: وزیرِاعظم نواز شریف کا کہنا ہے کہ سعودی عرب کیخلاف کسی بھی جارحیت پر پاکستان شدید ردعمل دے گا، پاکستان یمن کی آئینی حکومت کا تختہ الٹنے کی شدید مذمت کرتا ہے
۔وزیر اعظم سعودی عرب کے ایک روزہ دورے کے بعد وطن پہنچ گئے، وزیرِاعظم نواز شریف نے اپنے دورہ سعودی عرب کے دوران سعودی شاہ سلمان بن عبد العزیز سے ملاقات کی۔
جس میں یمن جنگ اور خطے پر اثرات سمیت دیگر اہم امور پر تبادلہ خیال کیا گیا۔
وزیرِاعظم نے یمن میں سعودی حکومت کی یمن میں جنگ بندی کے فیصلے کو سراہا۔
وزیرِاعظم نواز شریف نے یمن کے صدر منصور ہادی سے بھی ملاقات کی، وزیرِاعظم کا کہنا تھا جنگ بندی کے فیصلے سے مشرق وسطیٰ اور خطے میں امن کے قیام میں مدد ملے گی، وزیرِاعظم نے ولی عہد شہزادہ مقرن بن عبد العزیز سے بھی ملاقات کی۔
وزیرِ دفاع خواجہ آصف، آرمی چیف جنرل راحیل شریف، معاون خصوصی طارق فاطمی اور سیکریٹری خارجہ اعزاز چوہدری بھی وزیرِاعظم کے ہمراہ تھے۔
