لندن : وزیراعظم میاں نواز شریف نے کہا ہے کہ چینی صدر کا دورہ دھرنوں کی وجہ سے لیٹ ہوا، سعود ی عرب نے خواہشات کی کوئی فہرست نہیں دی،سعودی عرب کی خود مختاری کی حفاظت کریں گے۔
ان خیالات اظہار انہوں نے لندن میں میڈیا سے بات کرتے ہوئے کیا، وزیر اعظم نے کہا کہ دورہ سعودی عرب میں سعودی حکومت نے پاکستان سے کوئی خواہش یا مطالبہ نہیں کیا ۔
انہوں نے کہا کہ سعودی عرب برادر ملک ہے جس کی حفاظت کیلئے ہر وقت تیار ہیں۔ چینی صدر کے دورے کے حوالے سے وزیراعظم نے کہا کہ چین کے صدر نے تاریخی منصوبوں کا اعلان کیا۔
- Advertisement -
ان کا دورہ دھرنوں کی وجہ سے لیٹ ہوا۔وزیراعظم نوازشریف نے کہا کہ برطانیہ قریبی دوست ہےاورہمارےبہترین تعلقات ہیں، پاکستان میں تعلیم کےشعبےمیں برطانیہ کاتعاون لائق تحسین ہے۔
