کراچی : سماجی کارکن سبین محمود قتل کیس میں اہم پیش رفت سامنے آئی ہے، قانون نافذ کرنے والے اداروں نے ایک اہم ملزم کو حراست میں لے لیا ہے۔
ملزم سے ابتدائی تفتیش کے بعد سنسنی خیز انکشافات سامنے آئے ہیں، انتہائی باوثوق ذرائع کے مطابق قانون نافذ کرنے والے اداروں نے کلفٹن ڈیفنس اور گذری کے علاقوں میں چھاپہ مار کارروائیوں کے دوران ایک اہم ملزم کو حراست میں لیا ہے۔
ذرائع کا کہنا ہے کہ ملزم نے سبین محمود قتل کیس کے حوالے سے اہم اور سنسنی خیز انکشافات کئے ہیں، ملزم کی نشاندھی پر مختلف علاقوں میں چھاپہ مار کارروائیاں جاری ہیں۔
ذرائع کا کہنا ہے کہ مقتولہ سبین محمود کو دوسال قبل ویلنٹائن ڈے کے موقع پر ریلی نکالنے کے حوالے سے نامعلوم افراد کی جانب سے قتل کی دھمکیاں موصول ہوئی تھیں۔
ذرائع کے مطابق بہت جلد پریس کانفرنس کے ذریعے انکشافات اور تفصیلات سے آگاہ کیا جائے گا۔
