کراچی : اے آر وائی ڈیجیٹل نیٹ ورک کے سی ای او اور صدر سلمان اقبال نے کہا ہے کہ مسائل کے حل کیلئے چینل مالکان اور صحافیوں کو ایک ساتھ بیٹھ کر سوچنا ہوگا۔
ان خیالات کا اظہار انہوں نے کراچی میں انٹرنیشنل میڈیا کانفرنس کے شرکاء کے اعزاز میں عشائیہ سے خطاب کرتے ہوئے کیا۔
اے آر وائی ڈیجیٹل نیٹ ورک کے سی ای او اور صدر سلمان اقبال کا کہنا تھا کہ پاکستان میں صحافت دنیابھر میں مشکل ترین شعبہ ہے۔
- Advertisement -
انہوں نے مزید کہا کہ اے آر وائی نیوز کو پاکستان کا پہلا ڈیجیٹل چینل ہونے کا اعزاز حاصل ہے جو اس کے تمام ساتھیوں کی دن رات محنت کا نتیجہ ہے ۔
انہوں نے اعلان کیا کہ اے آروائی نیوز کے ملازمین کے تحفظ کیلئے میڈیا انڈسٹری کی سب سے بڑی لائف انشورنس پالیسی دی ہے، اس موقع پرنمایاں شخصیات کو شیلڈز اورسرٹیفیکیٹس بھی دئیے گئے۔
