فلپائن: منیلا میں چپل بنانے کی فیکٹری میں خوفناک آگ نے 72 افراد کی جان لے لی جبکہ درجنوں افراد جھلس کر زخمی ہوگئے اور متعدد لاپتہ ہیں۔
فلپائن کے دارالحکومت منیلا میں ربڑ کی چپل بنانے کی فیکٹری میں دھماکے کے بعد آگ لگ گئی، آگ اتنی شدید تھی کہ دیکھتے ہی دیکھتے پوری فیکٹری کو اپنی لپیٹ میں لے لیا۔
- Advertisement -
فائرڈیپارٹمنٹ کے مطابق ریسکیو کا کام جاری ہے، اب تک اکتیس افراد کی لاشیں نکالی جاچکی ہیں، درجنوں افراد آگ سے بری طرح جھلس کر متاثر ہوئے، جنھیں طبی امداد دی جارہی ہے، کئی کی حالت نازک ہےجبکہ متعدد افراد اب بھی لاپتہ ہیں۔
ریسکیو حکام کے مطابق آگ لگنے کی وجوہات کا فوری طور پر اندازہ نہیں لگایا جاسکا ہے، تحقیقات کے بعد ہی حتمی طور پر کچھ کہا جاسکے گا۔
