پاکستان ویمنز ٹیم نے سہ ملکی سیریز کے پہلے میچ میں آئرلینڈ کو ایک سو دس رنز سے شکست دے دی۔ دوحہ میں کھیلے جانے والے میچ کا ٹاس پاکستان ویمنز ٹیم نے جیت کر پہلے بیٹنگ کا فیصلہ کیا اور مقررہ پچاس اوورز میں آٹھ وکٹوں پر ایک سو تراسی رنز بنائے۔
ناہیدہ خان چھتیس رنزبناکر نمایاں رہیں۔ جواب میں آئرلینڈ کی بیٹنگ لائن ریت کی دیوار ثابت ہوئی اور پوری ٹیم صرف تیہتر رنز پر ڈھیر ہوگئی۔ آئرلینڈ ویمنز ٹیم کی سات کھلاڑی ڈبل فیگرز تک بھی نہ پہنچ سکیں۔ سعدیہ یوسف نے تین، اسماویہ اقبال اور ثنا میر نے دو دو کھلاڑیوں کو آؤٹ کیا ۔
