اسلام آباد: پاکستان میں ہر شخص کی زندگی تو غیر محفوظ تھی ہے اب انٹرنیٹ استعمال کرنے والے کسی پاکستانی صارف کا ذاتی ڈیٹا بھی محفوظ نہیں رہا ۔
پاکسنان کے کسی انٹرنیٹ صارف کی کوئی بھی بات اب نجی نہیں رہی، برطانیہ کی الیکڑونک جاسوسی سے متعلق انٹیلجنس ایجنسی جی سی ایچ کیو ہر پاکستانی کے ڈیٹا تک مُکمل رسائی ہے، یہ انکشاف ایک غیر ملکی خبررساں ایجنسی نے اپنی ایک رپورٹ میں کیا ہے ۔
رپورٹ کے مطابق برطانوی حُکام نہ صرف بین اُلا اقوامی انٹر نیٹ ٹریفک کوایک خاص راستے ڈال سکتے ہیں بلکہ انٹرنیٹ ڈیٹا کو ایجنسی کے کولیکشن سینٹر کی طرف بھیجنے کی بھی صلاحیت رکھتے ہیں۔
یہ رپورٹ امریکی خفیہ ادارےکے سابق اہلکارایڈورڈ سنو ڈن کے طرف سے منظر عام پر لائی گئی تھی۔
رپورٹ منظر عام پر آنے کے بعد پاکستان کے اپوزیشن رہنماوں اور انسانی حقوق کے تحفظ کیلئے کام کرنے والی تنظیموں نے حکومت پاکستان سے انٹرنیٹ صارفین کی نجی معلومات کے تحفظ کو یقینی بنانے کا مطالبہ کیا ہے ۔
