The news is by your side.

Advertisement

ایک اور بوئنگ 737 طیارہ حادثے کا شکار ہونے سے بال بال بچ گیا

واشنگٹن: امریکا میں بوئنگ 737 طیارہ حادثے کا شکار ہونے سے بال بال بچ گیا، ایمرجنسی لینڈنگ کرنا پڑی۔

تفصیلات کے مطابق ایتھوپیا میں ایک بڑے حادثے کے بعد بوئنگ 737 طیارہ حادثے کا شکار ہونے سے خوش قسمتی سے بچ گیا۔

غیر ملکی خبر رساں ادارے کا کہنا ہے کہ امریکی ریاست فلوریڈا میں بوئنگ طیارے نے جیسے ہی اڑان بھری فوراً انجن میں خرابی محسوس ہوئی جس کے بعد پائلٹ نے ایمرجنسی لینڈنگ کی۔

خیال رہے کہ گذشتہ چھ ماہ کے دوران بوئنگ 737 کے دو طیارے گِر کر تباہ ہو چکے ہیں، جس کے بعد کئی ممالک نے طیارے گراؤنڈ کرنے کا مطالبہ کیا ہے۔

حکام کا کہنا ہے کہ طیارہ پرواز کے بعد دس منٹ تک فضا میں رہا جس کے بعد ایمرجنسی لینڈنگ کی گئی، معاملے کی تحقیقات شروع کردی۔

آٹھ بوئنگ 737 میکس طیارے دنیا بھر میں زیراستعمال ہیں، ایتھوپین ایئرلان کے سربراہ نے مطالبہ کررکھا ہے کہ تمام طیارے گراؤنڈ کیے جائیں۔

تمام بوئنگ 737 طیارے گراؤنڈ کیے جائیں: ایتھوپیا کا مطالبہ

یاد رہے کہ رواں ماہ کے آغاز میں ایتھوپین ائیرلائن کا بوئنگ طیارہ تباہ ہوا جس کے نتیجے میں 157 افراد ہلاک ہوئے تھے، اسی طرح اکتوبر 2018 میں بھی اسی ماڈل کا طیارہ کریشن ہوا تھا جس کے نتیجے میں 189 مسافر مارے گئے تھے۔

بعد ازاں متحدہ عرب امارات، برطانیہ، فرانس، چین، سنگاپور اور انڈونیشیا بوئنگ737 ماڈل کے تمام طیاروں کی فضائی حدود میں داخلے پر پابندی عائد کی، جبکہ کئی یورپی ممالک نے کہا تھا کہ وہ مذکورہ پابندی پر غور کررہے ہیں۔

Comments

comments

یہ بھی پڑھیں