برازیلیا: برازیل میں خاتون سیاستدان کومظاہروں کےباعث اپنی شادی کے دن بکتر بند گاڑی میں رخصت ہونا پڑا۔
تفصیلات کےمطابق برازیل میں خاتون سیاستدان کو اس وقت شدید مشکلات کا سامنا کرنا پڑاجب گرجا گھرمیں ان کی شادی کی تقریب جاری تھی اوراسی دوران گرجا کے باہر ان کے سیاسی مخالفین نے احتجاج شروع کردیا۔
مظاہرین نےان پرانڈوں کی بارش کردی جس کےباعث پولیس کو طلب کرنا پڑا اوربیچاری سیاستدان دلہن کو بکتر بند گاڑی میں رخصت ہونا پڑا۔
ماریا وکٹوریہ بروس صوبہ پرانا کی رکن اسمبلی ہیں اوران کےوالد صدرمائیکل ٹیمر کی حکومت میں وزیرصحت ہیں جبکہ ان کی والدہ صوبہ پرانا کی نائب گورنر ہیں۔
انہوں نےالزام لگایا کہ یہ مظاہرے ان کی والدہ کےگورنرکےلیےانتخاب میں اترنے کےفیصلے سےمنسلک تھا اوراس کو’بائیں بازو کی جماعتوں اور یونینز کا مالی تعاون حاصل تھا‘۔
واضح رہےکہ خاتون سیاستدان نے بعض مہمانوں پر ہونےوالے حملےپر افسوس کرتے ہوئے کہا ’یہ جمہوریت کی قیمت ہے‘۔
