The news is by your side.

Advertisement

پالتو پرندے نے اپنے ہی مالک کی جان لے لی

تالاہاسی: آپ نے شیر، ہاتھی، مگر مچھ یا پھر دیگر جانورں کو طیش میں آکر اپنے ہی مالک کو مار ڈالنے کے واقعات سنے ہوں گے، لیکن ہم آپ کو ایسے قتل کی خبر دینے جارہے ہیں جو کسی پرندے کے ہاتھوں ہوا۔

جی ہاں، امریکی ریاست فلوریڈا میں کیسووری نے اپنے ہی مالک کو مار ڈالا، مارون نامی فارم ہاؤس کا مالک روز اس پرندے کی دیکھ بھال کرتا تھا لیکن اسے کیاخبر تھی کہ ایک دن یہی پالتو پرندہ اس کی جان لے لے گا۔

امریکی میڈیا کا کہنا ہے کہ ہلاک ہونے والے شخص کی عمر تقریباً 75 برس ہے، کیسووری نے چونچ اور ٹانگوں سے حملہ کرکے انہیں شدید زخمی کیا، فوری اطلاع ملتے ہی مارون کو اسپتال منتقل کیا گیا تاہم وہ جانبر نہ ہوسکے۔

کیسووری کا شمار خطرناک پرندوں میں ہوتا ہے، جو کسی بھی وقت اپنے مالک یا پھر کسی بھی شخص پر حملہ کرسکتا ہے، اسی صورت حال کے پیش نظر جنگلی حیات کے ماہرین لوگوں کو محتاط رہنے کی ہدایت کرتے ہیں۔

مذکورہ پرندہ دیکھنے میں شتر مرغ کی طرح لگتا ہے اور اس کا قد بھی تقریباً 4 سے 5 فٹ کے درمیان ہوتا ہے، یہ عموماً اپنے بچاؤ میں حملہ کرتا ہے اور حملے کے لیے اپنی ٹانگوں اور چونچ کا استعمال کرتا ہے۔

خیال رہے کہ کیسووری سات فٹ تک اڑان بھرنے کی صلاحیت رکھنے سمیت تیز رفتاری سے بھاگنے میں بھی کسی سے کم نہیں، عمومی طور پر ان کا وزن 160 پاؤنڈ کے لگ بھگ ہوتا ہے۔

Comments

comments

یہ بھی پڑھیں