کراچی: مشیرتجارت عبدالرزاق داؤد نے کہا ہے کہ افغانستان کے لیے 16ہزار میٹرک ٹن یوریا کھاد لے کر بحری جہاز گوادر پہنچ گیا ہے، کھاد اتار نے، پیکنگ اور ٹرکوں پر لوڈنگ سے مقامی افراد کو روزگار ملےگا۔
تفصیلات کے مطابق سماجی رابطے کی ویب سائٹ ٹوئٹر پر مشیرتجارت نے ٹوئٹ کیا کہ مقامی افراد کو روزگار دینے سے متعلق ہدایات جاری کی گئی ہیں، پہلی بار کھاد کو مقامی سطح پر بیگ میں پیک کیا جائے گا۔
انہوں نے کہا کہ سمندری راستے سے پاکستان سے تجارت کے نئے دور کا آغاز ہوگیا ہے، کھاد پیک کرکے ٹرکوں کے ذریعے گوادر سے افغانستان بھیجا جائے گا، اس اہم مرحلے کو عبور کرنے کے لیے ملازمین رکھے جائیں گے۔
The cargo ship SIBULK TRADITION has berthed at Gwadar, carrying 16000 Tonnes of urea for Transit to Afghanistan. This is a first and marks the beginning of a new era in Pakistan’s trade by sea 1/2
@ImranKhanPTI @aliya_hamza @PTIofficial @PTVNewsOfficial @RadioPakistan pic.twitter.com/nNsCKP3QBr— Abdul Razak Dawood (@razak_dawood) May 29, 2020
خیال رہے کہ اپنے ایک خطاب میں مشیرتجارت کا کہنا تھا کہ جامع ایکسپورٹ پالیسی کی تشکیل حتمی مرحلے میں ہے، ایکسپورٹ پالیسی فریقین کی مشاورت سے تشکیل دی جارہی ہے، جلد منظوری ممکن ہے۔
مشیرتجارت کا کہنا تھا کہ نئے شعبوں کی نشاندہی کے لیے جامع تجزیہ کیا گیا، نئی مارکیٹوں کی نشاندہی کے لیے بھرپور محنت کی گئی ہے، عالمی منڈیوں تک رسائی اور مصنوعات کی کھپت پر توجہ دی جارہی ہے۔
