The news is by your side.

Advertisement

انجنیئر نے جنگل میں طیارے کو مسکن بنا لیا

اوریگون: امریکی ریاست اوریگون میں ریٹائرڈ الیکٹرکل انجینئر نے بوئنگ 727 طیارے کو گھنے جنگلات کے بیچ وبیچ کھڑا کر کے اسے ہی اپنا مسکن بنا لیا۔

کچھ نیا کرنے کی لگن اور نئے نئے منصوبے بنانے کا جنون بروس کیمبل نامی شخص کو بے چین کیے رکھتا ہے اور اس لیے وہ ہمیشہ سے کچھ منفرد کرتے ہیں۔

جب وہ 20 سال کے تھے تو انہوں نے 20 ہزار یوروز سے جنگلات میں ایک زمین خریدی جہاں وہ پرانی اشیا سے نئی نئی چیزیں تیار کرنا چاہتے تھے، ابتدائی طور پر انہوں نے سوچا کہ وہ گارگو وینز کے ذریعے ایک گھر تیار کریں گے۔

کچھ سالوں بعد بروس نے ایک خاتون کے بارے میں سنا جس کا گھر آگ لگنے سے جل گیا تھا اور اس نے رہنے کے لیے طیارے کو ہی اپنا گھر بنا لیا تھا، تو بروس نے بھی تہیہ کیا کہ وہ بھی پرانے طیارے کو اپنا گھر بنائیں گے۔

اس مقصد کے لیے انہوں نے ایتھنز ایئرپورٹ پر کھڑے اولمپکس ایئرویز کے بوئنگ 727 کا انتخاب کیا اور اسے 85 ہزار یوروز میں خرید لیا، لیکن یہاں سے بڑا مسئلہ طیارے کی منتقلی تھی۔

یونان سے طیارے کو لایا گیا جس پر اضافی لاگت آئی اور اسے مختص جگہ پر لا کھڑا کیا، مگر گھنے جنگل میں طیارے کے بڑے ونگز ایک بڑا مسئلہ تھا جس کا حل یہ تلاش کیا گیا کہ پر نکال دیے گئے اور بعدازں انہیں واپس جوڑ دیا گیا۔

درختوں کے بیچ قدرتی ماحول میں کھڑا یہ طیارہ دنیا بھر کی نگاہوں کی مرکز بن گیا اور سیاح دور دور سے اسے دیکھنے کے لیے آنے لگے، بروس نے وزیٹرز کے لیے قواعد و ضوابط تیار کر لیے جس میں سر فہرست جوتوں کی پابندی تھی۔

طیارے میں داخل ہونے کے لیے سیڑھیوں پر ہی سیاحوں کے جوتے اتروالیے جاتے اور انہیں بغیر چپل کے داخلے کی اجازت دی جاتی ہے۔

Comments

یہ بھی پڑھیں