پنجاب کے ضلع رحیم یار خان کے شہر ظاہر پیر میں پُراسرار بیماری کے باعث ایک ہی خاندان کے 12 افراد انتقال کر گئے۔

اے آر وائی نیوز کے مطابق پُراسرار بیماری کے باعث 15 سے 20 دن میں 12 افراد کا انتقال ہوا، ان میں ایک بچہ دورانِ علاج دم توڑ گیا، متاثرہ خاندان موضع تاج پور پیر والا کا رہائشی ہے۔

متاثرہ خاندان کا کہنا ہے کہ پہلے معمولی بخار ہوتا ہے پھر چند گھنٹوں میں مریض کی موت ہو جاتی ہے۔

ڈی ڈی ایچ او ڈاکٹر حسن محمود کے مطابق متاثرہ گھر سے پانی اور خوراک کے سیمپل لیب بھجوا دیے ہیں، رپورٹ آنے پر معاملہ واضح ہو سکے گا۔