میئر کراچی مرتضیٰ وہاب نے کہا ہے کہ کراچی والوں کے پانی کا مسئلہ حل کرنےجا رہے ہیں جس کے لیے 12 ارب کی لاگت سے نئی حب کنال سے پانی مہیا ہو گا۔
میڈیا سے گفتگو میں انہوں نے کہا کہ حب کنال سے اضافی پانی لانے کی منظوری دیدی گئی ہے جس سے کیماڑی ،بلدیہ کےعوام کوپانی ملےگا، 12 ارب سے 200 ملین گیلن پانی کی حب کنال بنے گی جو 12 ماہ میں مکمل ہو گی اور 200 ملین گیلن پانی کا منصوبہ تیار ہو جائے گا۔
مرتضیٰ وہاب نے کہا کہ کراچی کو حب ڈیم سے پانی فراہم کرنے والا سسٹم 45 سال پرانا ہے جس کی وجہ سے 100 کے بجائے 55 ملین گیلن پانی ملتا ہے نئی کنال بنانے کا فیصلہ کیا ہےجس سےکراچی کو 100 ملین پانی ملےگا۔
- Advertisement -
ان کا کہنا تھا کہ کینجھر جھیل سے کراچی کیلئے77ارب کا منصوبہ سندھ ایکنک کو بھیجا جا چکا جب کہ کےفور اور حب ڈیم منصوبے سے پانی کی قلت دورکی جائےگی۔
