دریائے چناب میں ڈوبتے بھائی کو بچانے کے لیے دوسرے بھائی نے بھی چھلانگ لگا دی۔
یہ واقعہ اتوار کو ہیڈمرالہ کے مقام پر پیش آیا جہاں تفریح کے لیے آیا نوجوان دریائے چناب میں ڈوب گیا۔ اپنے بھائی کو ڈوبتے ہوئے دیکھ کر اسے بچانے کے لیے دوسرے بھائی نے بھی دریا میں چھلانگ لگا دی۔
ریسکیو ذرائع کا کہنا ہے کہ اطلاع ملنے پر امدادی ٹیمیں پہنچیں اور نوجوانوں کی تلاش شروع کر دی۔ مقامی پولیس اور نوجوانوں کے اہل خانہ بھی جائے حادثہ پر پہنچے۔
- Advertisement -
12سالہ احسن اور 17سالہ محمد احمد کی تلاش کیلئے ریسکیو آپریشن اندھیرے کے باعث روک دیا گیا۔ ڈوبنے والے دونوں نوجوانوں کی تلاش کیلئے کل صبح دوبارہ آپریشن کیا جائے گا۔
ریسکیو ذرائع کا کہنا ہے کہ جب چھوٹے بھائی ڈوبتے ہوئے دیکھا تو بڑے بھائی نے اسے بچانے کی کوشش کی تاہم وہ بھی ڈوب گیا۔
