سوڈان اور جنوبی سوڈان کے متنازع علاقے ابائے میں پاکستانی امن دستے پر حملہ میں ایک سپاہی شہید ہو گیا۔
آئی ایس پی آر کے مطابق پاکستانی امن دستہ 2 مقامی مریضوں کو اسپتال لےجا رہا تھا کہ اس دوران فائرنگ کا تبادلہ ہوا جس میں سپاہی محمد طارق شہید اور 2 اہلکاروں سمیت 4 افراد زخمی ہو گئے۔
امن دستے کے اہلکاروں کی مؤثر جوابی کارروائی پر حملہ آور پسپائی پر مجبور ہو گئے۔
آئی ایس پی آر کا کہنا ہے کہ پاکستانی امن دستوں نے ہمیشہ پیشہ ورانہ مہارت سےخدمات انجام دیں اور پاکستان کے 181 امن دستوں کےاہلکاروں نے دنیا بھر میں جانوں کانذرانہ دیا۔
پاکستان عالمی برادری کے ذمہ دار رکن کے طور پر کردار کےلیے پُرعزم ہے۔ پاکستان اقوام متحدہ کی سرپرستی میں امن اور استحکام کیلئےکردار ادا کرتا رہےگا۔
