ممبئی : بھارتی فلموں کی خوبرو اداکارہ عالیہ بھٹ کو ان کی فلم ’گنگوبائی کاٹھیا واڑی‘ میں شاندار اداکاری کے اعتراف میں آئیفا ایوارڈ 2023 میں بہترین اداکارہ کے ایوارڈ سے نوازا گیا لیکن انہوں نے یہ ایوارڈ نہیں لیا۔
بھارتی میڈیا کی رپورٹ کے مطابق بھارتی اداکارہ عالیہ بھٹ جو مشہور فلمی ہدایت کار مہیش بھٹ کی صاحبزادی بھی ہیں اپنی ذاتی مصروفیت کے باعث مذکورہ ایوارڈ وصول نہ کرسکیں۔
اس حوالے سے بھارتی میڈیا میں بتایا گیا ہے کہ ایک خاندانی ایمرجنسی کی وجہ سے وہ ایوارڈ وصول کرنے کیلئے مذکورہ شو میں شرکت نہ کرسکیں۔
بعد ازاں اداکارہ نے ایوارڈ ملنے کے بعد انسٹاگرام پر ایک جذباتی پوسٹ لگائی، جس میں انہوں نے اپنی فلم ’گنگوبائی کاٹھیاواڑی‘ کا پوسٹر شیئر کیا اور لکھا کہ’آئیفا کا شکریہ، مجھے افسوس ہے کہ میں ایوارڈ وصول کرنے کیلئے خود حاضر نہ ہوسکی۔
انہوں نے اس ایوارڈ پر مداحوں کا بھی شکریہ ادا کیا اور لکھا کہ اس اعزاز سے مجھے اور فلم کی پوری ٹیم کو نئی مسرت اور خوشی ملی ہے۔
Mr. Jayantilal Gada receives the IIFA trophy on behalf of #AliaBhatt for her well-deserved victory in the category "Performance In A Leading Role – Female" for the film #GangubaiKathiawadi.#IIFA2023 #IIFAONYAS #YasIsland #InAbuDhabi #NEXA #CreateInspire #SobhaRealty #EaseMyTrip pic.twitter.com/h0UIu51fUy
— IIFA (@IIFA) May 27, 2023
بھارتی میڈیا رپورٹ کے مطابق عالیہ بھٹ اپنے نانا نریندر رزدان کی طبیعت خراب ہونے کی وجہ سے ایوارڈ شو میں شرکت نہ کرسکیں اور ان کی جگہ فلم پروڈیوسر جیانتی لال نے ایوارڈ وصول کیا۔
عالیہ بھٹ اپنی اگلے پروجیکٹ میں کرن جوہر کی فلم ’روکی اور رانی کی پریم کہانی‘ میں رنویر سنگھ کے ساتھ نظر آئیں گی۔