ورلڈ مینٹل ہیلتھ ڈے کے موقع پر بالی وڈ کے اداکار عامر خان نے اپنی بیٹی ایرا خان کے ہمراہ ’تھراپی کے فوائد‘ سے متعلق ویڈیو جاری کی ہے۔
عامر خان کی بیٹی ایرا خان نے اپنے والد کے ہمارہ ورلڈ مینٹل ہیلتھ ڈے پر ایک ویڈیو شیئر کی جس میں ناظرین پر زور دیا کہ وہ ضرورت پڑنے پر علاج کریں۔
ورلڈ مینٹل ہیلتھ ڈے کے موقع پر عامر اور ان کی بیٹی نے یہ بھی انکشاف کیا کہ وہ کئی سالوں سے تھراپی سے فائدہ اٹھا رہے ہیں، انہوں نے کہا کہ میتھ سیکھنے کے لیے ہم اسکول ٹیچر کے پاس جاتے ہیں، اگر بال کٹوانے ہوں تو ہم سیلون جاتے ہیں جہاں پر ایک پروفیشنل انسان ہمارے بال کاٹتا ہے۔
دوسری جانب ایرا خان نے کہا کہ اسی طرح اگر ہمیں کبھی اپنی ذہنی یا جذباتی صحت کے لیے مدد کی ضرورت ہو، تو ہمیں ہچکچاہٹ کے بغیر کسی ایسے شخص سے مدد لینی چاہیے جو تربیت یافتہ اور پیشہ ور ہو۔
View this post on Instagram
عامر خان نے مزید کہا کہ میری بیٹی ایرا اور میں برسوں سے تھراپی کے فوائد حاصل کر رہے ہیں، اگر آپ کو بھی لگتا ہے کہ آپ ذہنی یا جذباتی مسائل سے گزر رہے ہیں، تو آپ تربیت یافتہ پیشہ ور کی مدد لے سکتے ہیں، اس میں کوئی شرم کی بات نہیں۔
واضح رہے کہ ہزاروں لوگ جو دماغی امراض میں مبتلا ہوتے ہیں اپنے انسانی حقوق سے محروم ہوجاتے ہیں، ان افراد کو نہ صرف سماج میں تنہا چھوڑ دیا جاتا ہے بلکہ دماغی اور جسمانی طور پر انکا استحصال بھی کیا جاتا ہے۔
دماغی مسائل سے دو چار افراد علاج کے حق سے بھی محروم ہوجاتے ہیں، جبکہ دنیا بھر میں ذہنی امراض کا شکار ہزاروں افراد ہر سال مختلف وجوہات کے باعث خودکشی کرلیتے ہیں۔
ورلڈ مینٹل ہیلتھ ڈے منانے کا مقصد لوگوں کو ذہنی صحت کی ضرورت، دماغی امراض کے نقصانات اور اس سے بچاؤ کے بارے میں آگاہی فراہم کرنا ہے۔
