بنگلور: انڈین پریمئیر لیگ (آئی پی ایل) میں ساؤتھ افریقا سے تعلق رکھنے والے کھلاڑی ڈویلیئرز نے باؤنڈری لائن کے قریب ناقابلِ یقین کیچ پکڑ کر اسپائیڈر مین کا لقب اپنے نام کرلیا۔
تفصیلات کے مطابق ایک روز قبل آئی پی 2018 کا مقابلہ بنگلور کے چیناس ویمی اسٹیڈیم میں رائل چیلنجر بنگلور اور سن رائز حیدرآباد کے مابین کھیلا گیا جس میں کوہلی الیون کو شکست کا سامنا رہا۔
رائل چلینجر کے بلے باز ڈویلیئرز اور معین علی نے 39 گیندوں پر 69 رنز کی شراکت داری قائم کر کے ٹیم کو بڑا مجموعہ ترتیب دلوانے میں اہم کردار ادا کیا جس کے باعث ٹیم نے فتح بھی حاصل کی۔
ویڈیو دیکھیں: احمد شہزاد کی شاندار فیلڈنگ، ناقابل یقین کیچ پکڑ لیا
سنسنی خیز میچ میں ویسے تو کئی ایسے مواقع آئے جنہوں نے شائقین کرکٹ کو دنگ کر کے رکھ دیا مگر اس مقابلے میں افریقی کھلاڑی ڈویلیرز نے ایلکس ہیلز کا باؤنڈری کے قریب ناقابلِ یقین کیچ پکڑ کر سپرمین اور اسپائیڈر مین کا لقب اپنے نام کیا۔
انگلش کھلاڑی ایلکس ہیلز نے معین علی کی گیند پر ایسا زوردار اڑتا ہوا شارٹ کھیلا کہ سب کو یہ گماں ہوا شاید اب حیدرآباد کی ٹیم کو 6 رنز حاصل ہوں گے مگر باؤنڈری کے قریب کھڑے ڈی ویلیئرز نے تقریباً دو فٹ کی بلندی پر اچھل کر ناقابل یقین کیچ پکڑا۔
Holy Shit, AB! pic.twitter.com/rkmZ6stwDs
— Sahil Rizwan (@SahilRiz) May 17, 2018
بھارتی کرکٹ ٹیم کے کپتان ویرات کوہلی نے اے بی ڈویلیئرز کو اسپائیڈر مین کا لقب دیتے ہوئے کہا کہ ’آج میں نے اپنی آنکھوں سے اسپائیڈر مین دیکھا، یہ کام بہت مشکل ہے جسے کوئی عام آدمی نہیں کرسکتا‘۔
Saw #SpiderMan Live today! 😮@abdevilliers17#RCBvsSRH #IPL2018 pic.twitter.com/mUuGVKuTn4
— Virat Kohli (@imVkohli) May 17, 2018
واضح رہے کہ گزشتہ برس افریقی بلے باز انجری کے باعث ان فٹ ہوگئے تھے جس کے بعد انہوں نے طویل عرصے تک آرام کیا، کرکٹ کی دنیا میں واپسی پر ڈویلیئرز نے اپنی صلاحیتوں کا لوہا منوایا اور پہلی ہی سیریز میں آسٹریلیا کے خلاف شاندار کارکردگی کا مظاہرہ کیا تھا۔
