ایبٹ آباد : نو سالہ سلینہ خواجہ نے برف پوش اور بلند ترین کوز سر چوٹی سر کر کے کم عمر کوہ پیماء کا عالمی ریکارڈ قائم کر دیا اب ان کا ہدف ماؤنٹ ایورسٹ کو سر کرنا ہے۔
ایبٹ آباد سے اے آر وائی نیوز کے نمائندے محمد اشفاق کے مطابق ایبٹ آباد کی رہائشی نو سالہ سلینہ نے ناممکن کو ممکن کر دکھایا ہے۔
سلینہ نے گلگت کی 5765 میٹر بلند برف پوش چوٹی ’’کوزسر‘‘ کو سر کرکے کم عمر کوہ پیما کا اعزاز حاصل کر لیا، کم عمر سلینہ نے دنیا بھر میں پاکستان کا نام فخر سے بلند کر دیا۔
اے آر وائی نیوز کے نمائندے سے خصوصی گفتگو میں سلینہ کا کہنا تھا کہ اب ہم امشال جائیں گے اور منگلی کی چوٹی سر کریں گے جس کی اونچائی6050میٹر ہے۔
کم عمر کوہ پیما سلینہ خواجہ کی تربیت ان کے والد نے خود کی ہے، انہوں نے سلینہ کی لگن اور شوق کو دیکھتے ہوئے کو خطروں سے کھیلنے کی تیاری کیلئے گھر میں ہی فٹنس کلب بنا کر دے دیا۔
سلینہ کی اگلی منزل دنیا کی بلند ترین منگلی اور ماؤنٹ ایورسٹ چوٹی کو سر کرنا ہے تاکہ یہ منفرد اعزاز بھی پاکستان کے نام کرسکے۔
پاکستان کا نام بلند کرنے والی ننھی پری کا بچوں کے نام اپنے پیغام میں کہنا ہے کہ ہمیشہ بڑ اٹارگٹ چنیں، سخت محنت کریں اوراپنا ہدف حاصل کریں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
