بھارتی رئیلٹی شو بگ باس سے شہرت پانے والے پستہ قد گلوکار عبدو روزک کی منگنی کی تصاویر سوشل میڈیا پر وائرل ہوگئیں۔
فوٹو اینڈ شیئرنگ ایپ انسٹاگرام پر عبدو روزک نے اپنی منگنی کی خوبصورت تصاویر شیئر کی ہے جس میں وہ عربی دولہا کے لباس میں بیٹھے اپنی ہونے والی اہلیہ ’امیرہ‘ کو انگوٹھی پہنا رہے ہیں۔
پستہ قد گلوکار عبدو روزک کو دلہن مل گئی
20 سالہ پستہ قد تاجکستانی گلوکار عبدو روزک نے 19 سالہ امارتی خاتون ’امیرہ‘ سے منگنی کی ہے، ان کی منگنی کی تصاویر کو سوشل میڈیا صارفین کی جانب سے خوب پسند کیا جارہا ہے۔
View this post on Instagram
بھارتی رئیلٹی شو بگ باس سے شہرت پانے والے پستہ قد گلوکار عبدو روزک نے اپنی منگنی کی تصاویر شیئر کرتے ہوئے کیپش میں ’ الحمد اللہ‘ اور 24 مارچ لکھا، جسے دیکھنے کے بعد صارفین کی جانب سے یہ کہا جارہا ہے کہ انہوں نے گزشتہ ماہ ہی منگنی کرلی تھی۔
واضح رہے کہ تاجکستانی گلوکار عبدو روزک نے گذشتہ روز انسٹاگرام پر ایک نوٹ شیئر کرتے ہوئے لکھا تھا ’میں نے اپنی زندگی میں کبھی سوچا بھی نہیں تھا کہ میں اتنا خوش قسمت ہوں گا کہ مجھے ایک ایسا پیار ملے گا جو میری عزت کرے اور میری زندگی میں آنے والی رکاوٹوں کا بوجھ نہ ہو، 7 جولائی کی تاریخ محفوظ کرلیں، میں لفظوں میں بیان نہیں کر سکتا کہ میں کتنا خوش ہوں‘۔
