پیر, جولائی 7, 2025
اشتہار

مقدمہ درج ہوتے ہی ملزمان نومولود بچے کو گھر کی دہلیز پر چھوڑ کر فرار

اشتہار

حیرت انگیز

کراچی : کورنگی  میں اغواء کار  مقدمہ درج ہوتے ہی  نومولود مغوی بچے کو گھر کی دہلیز پر چھوڑ کر فرار ہوگئے، سہراب گوٹھ سے مبینہ طور پر اغوا ہونے والی بچی آج صبح مل گئی۔

تفصیلات کے مطابق کراچی کے علاقے کورنگی میں نومولود بچے کے اغواء کا پراسرار معاملہ سامنے آیا ہے، لیکن اس اغواء کی واردات میں نہ دشمنی کا کوئی عنصر سامنے آیا اور نہ ہی اغواء کاروں نے مغوی کی رہائی کیلئے تاوان کا مطالبہ کیا۔

اس حوالے سے بچے کے اہل خانہ نے پولیس کو بیان دیا کہ5دن کے بچے کو دو افراد رکشے سے چھین کر فرار ہوگئے تھے،
پولیس نے واقعہ کا مقدمہ کورنگی زمان ٹاون تھانے میں درج کرلیا۔

پولیس کے مطابق مقدمہ درج ہونے کے بعد رات کے کسی وقت اغوا کار بچے کو گھر کی دہلیز پر چھوڑ کر فرار ہوگئے، یہ واقعہ3 روز قبل پیش آیا، رشتے داروں کا آپسی معاملہ لگتا ہے۔

دوسری جانب سہراب گوٹھ سے اغوا ہونے والی بچی آج صبح بازیاب ہوگئی، پولیس کا کہنا ہے کہ نامعلوم افراد بچی کو سہراب گوٹھ کے قریب قبرستان میں چھوڑ کر فرارہوگئے۔

بچے کے والد کا کہنا ہے کہ میڈیا پر بچی کے اغوا کی خبر کے بعد پولیس نے علاقے کی ناکہ بندی کردی تھی، پولیس کی بروقت کاروائی سے اغوا کار بچی کو علاقے سے نکال نہیں سکے، تاہم اب بچی خیریت سے ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں