نئی دہلی: بھارت میں پاکستانی ہائی کمشنر عبدالباسط نے کہا ہے کہ بھارتی جاسوس کلبھوشن یادیو نے پاکستانی حکام کو بہت سی معلومات فراہم کیں۔ پاکستان اور بھارت کے قومی سلامتی مشیروں کی مذاکرات کی بحالی پر بات ہوئی ہے۔
تفصیلات کے مطابق پاکستانی ہائی کمشنر عبد الباسط نے بھارتی اخبار کو انٹرویو دیا۔ انٹرویو میں ان کا کہنا تھا کہ بھارتی جاسوس کلبھوشن یادیو نے پاکستانی حکام کو بہت سی معلومات فراہم کیں۔
عبدالباسط کے مطابق کلبھوشن کی دی گئی معلومات پر کئی سلیپر سیلز اور سہولت کاروں کو پکڑا گیا۔
انہوں نے کہا کہ پاکستان کے قومی سلامتی مشیر ناصر جنجوعہ بھارتی ہم منصب اجیت دوول سے رابطے میں ہیں۔
ہائی کمشنر کا مزید کہنا تھا کہ دونوں ممالک کے قومی سلامتی مشیروں نے مذاکرات کی بحالی پر بات کی ہے۔ توقع ہے کہ پاکستان اور بھارت مذاکرات کی میز پر آئیں گے۔
