بھارت کی جانب سے مثبت رویے کی توقع نہیں رکھنی چاہیئے: سابق ہائی کمشنر -
The news is by your side.

Advertisement

بھارت کی جانب سے مثبت رویے کی توقع نہیں رکھنی چاہیئے: سابق ہائی کمشنر

اسلام آباد: سابق پاکستان ہائی کمشنر عبدالباسط کا کہنا ہے کہ بھارت کی جانب سے مثبت رویے کی توقع نہیں رکھنی چاہیئے، ماضی میں بھی بھارت کی جانب سے ملاقاتیں منسوخ کی گئیں۔

تفصیلات کے مطابق بھارت میں تعینات سابق پاکستان ہائی کمشنر عبدالباسط کا کہنا ہے کہ بھارت چاہتا ہے مسئلہ کشمیر کی صورتحال تبدیل کر کے مذاکرات کرے۔ بھارت مسلم آبادی کو ہندو آبادی میں تبدیل کر کے مذاکرات چاہتا ہے۔

عبدالباسط کا کہنا ہے کہ بھارت کی جانب سے مثبت رویے کی توقع نہیں رکھنی چاہیئے، ماضی میں بھی بھارت کی جانب سے ملاقاتیں منسوخ کی گئیں۔

انہوں نے مزید کہا کہ بھارت کی جانب سے ملاقاتیں منسوخ کرنے کا ایک پیٹرن بنا ہوا ہے، بھارت سے مذاکرات بیک ڈور چینل کے ذریعے جاری رکھنے چاہئیں۔

خیال رہے کہ دو روز قبل وزیر اعظم عمران خان نے بھارت کو خط لکھ کر امن کی طرف قدم بڑھانے پر زور دیا تھا جس کے بعد بھارت نے آمادگی ظاہر کرتے ہوئے وزرائے خارجہ سشما سوراج اور شاہ محمود قریشی کی ملاقات طے کی تھی۔

تاہم گزشتہ روز اچانک ہی بھارت نے ملاقات منسوخ کرنے کا اعلان کردیا۔

Comments

comments

یہ بھی پڑھیں